Sastaŭ z vajskovaj technikaj u Oršy. Skrynšot ź videa
Ranicaj byŭ zaŭvažany bujny sastaŭ, jaki kiravaŭsia ź Minska ŭ bok Barysava i ŭ jakim pieravoziłasia nie mienš za 8 tankaŭ T-72A i nie mienš za 28 hruzavikoŭ Urał. Vidavočcy śćviardžajuć, što tankaŭ mahło być i ad 15 da 30.
Kali pryhledziecca, to na tankach možna zaŭvažyć biełyja nadpisy, i heta moža śviedčyć pra toje, što jany źniatyja z zachoŭvańnia na 969-j bazie reziervu tankaŭ, jakaja znachodzicca ŭ haradskim pasiołku Urečča Lubanskaha rajona.
Akramia hetaha, u Oršy byŭ zaŭvažany jašče adzin ešałon z vajskovaj technikaj, jaki taksama ruchaŭsia ŭ bok Rasii. Na videa možna zaŭvažyć pieravozku 2 UAZaŭ, 5 adzinak roznych MAZaŭ, 5 štuk ZRK «Tor-M2». Na hetaj technicy taksama bačnyja charakternyja biełyja nadpisy.
Analiz umoŭ nadvorja dazvoliŭ zrabić vysnovu, što videa było źniataje siońnia.
Infarmacyja pra toje, što vajskovaja technika vyvozicca ź Biełarusi ŭ bok Rasii, źjaviłasia ŭ papiarednija dni.
Čytajcie taksama:
Raźviedka Ukrainy: Rasija masava zavozić u Biełaruś drony, a vyvozić techniku i bojeprypasy
Biełaruskija čyhunačniki paćvierdzili: tanki ŭ Oršy — biełaruski stratehičny rezierv, jaki pierakidvajuć u Rasiju
Łukašenka pieradaje tanki Rasii?
