Anatol Sivak. Fota: tut.by
Ciapier cana «kvadrata» roŭnaja siaredniamu zarobku ŭ Biełarusi. Źnizić jaje płanujecca za košt rehulavańnia cenaŭ na budmateryjały i žorstkaha kantrolu za nacenkaj i rentabielnaściu.
«Jość cana kvadratnaha mietra roŭnaja siaredniamu koštu zarobku, tamu kaeficyjent 1. U dadzienym vypadku my budziem dzieści ŭ rajonie 0,8. Heta značyć, budzie na 20% mienš, čym siaredniamiesiačnaja zarabotnaja płata», — zajaviŭ Sivak u kamientary pres-słužbie ŭrada.
Siaredni naminalny zarobak u žniŭni skłaŭ 1 665,5 rubla (paśla abaviazkovych vyličeńniaŭ — kala 1432 rubloŭ). A siaredni košt kvadratnaha mietra ŭ novabudoŭlach typu «ekanom» u Minsku ŭ vieraśni byŭ u dyjapazonie ad 1115 da 1128 dołaraŭ za «kvadrat» u zaležnaści ad płoščy kvatery (ad 2793 da 2825 rubloŭ).
