Iłan Mask. Fota AP
«Mnie paviedamili, što były hienieralny dyrektar Parah Ahravał i finansavy dyrektar Ned Sihał pakinuli štab-kvateru i nie viernucca, bo pačynajecca era Maska», — napisaŭ, u svaju čarhu, karespandent CNBC Devid Fiejbier.
Ździełka pa nabyćci Twitter musiła być zavieršanaja da piatnicy — u advarotnym vypadku Maska čakała sudovaje raźbiralnictva, u jakim jaho šancy na pieramohu aceńvalisia nievysoka.
Napiaredadni paviedamlałasia, što niekalki bankaŭ pačali pieraličvać srodki na śpiecyjalny rachunak dla finansavańnia ździełki.
Pakolki Twitter pierajšła ŭ pryvatnyja ruki, akcyi sacsietki buduć źniatyja z tarhoŭ na Ńju-Jorkskaj fondavaj biržy, paviedamlajecca na sajcie NYSE.
Mask taksama patłumačyŭ, navošta kupiŭ Twitter.
«Pryčyna, čamu ja nabyvaju Twitter, u tym, što dla budučyni cyvilizacyi važna mieć ahulnuju ličbavuju placoŭku, na jakoj moža abmiarkoŭvacca šyroki śpiektr mierkavańniaŭ u zdarovaj maniery, biez zvarotu da žorstkaści», — napisaŭ Mask.