Paviedamlajecca, što jon admoviŭ u prodažy zapčastak vajskoŭcam Rasijskaj Fiederacyi, skazaŭšy pradaŭcu, kab jon nie pradavaŭ im tavar, i nazvaŭšy «akupantami».
Łukašysty śćviardžajuć, što dyrektar kramy braŭ udzieł u ruchu za svabodnyja vybary ŭ 2020 hodzie, a z pačatkam vajny va Ukrainie rehularna pieravodziŭ hrošy na padtrymańnie Uzbrojenych sił Ukrainy.
Raspačata kryminalnaja sprava.
Respublika Biełaruś zabiaśpiečvaje tyłavuju padtrymku rasijskich apieracyj va Ukrainie, z terytoryi Biełarusi była ažyćcioŭlenaja sproba zachopu Kijeva, a paśla nanosilisia rakietnyja ŭdary pa terytoryi Ukrainy. Pierad napadam Rasii na Ukrainu Alaksandr Łukašenka vykazvaŭ mierkavańnie, što vajna budzie doŭžycca try-čatary dni. Rasija i łukašenkaŭcy spadziavalisia akupavać i rasčlanić Ukrainu, upartaje supraciŭleńnie ŭkraincaŭ stała dla ich niečakanaściu. Ludziej, jakija vystupajuć suprać vajny, suprać znachodžańnia ŭ Biełarusi rasijskich vajskoŭcaŭ ci padtrymlivajuć Ukrainu, łukašenkaŭcy pieraśledujuć.
