Andreju pastavili ŭ vinu razmovu z žurnalistam «Biełsata», padčas jakoj mužčyna «pieradaŭ niejkija źviestki». Telefon Andreja prasłuchoŭvali, razmovy zapisvali supracoŭniki śpiecsłužbaŭ.
Biełaruski niezaležny prafsajuz likvidavali ŭviesnu 2022-ha padčas taho, jak Andrej adbyvaŭ administratyŭny aryšt. Pryčynaj likvidacyi prafsajuza stała sproba arhanizavać strajk na pradpryjemstvie niby «vyklučna ŭ palityčnych metach». Paśla zvalnieńnia z pradpryjemstva na Andreja zaviali kryminalnuju spravu.
16 listapada sudździa Hrodzienskaha abłasnoha suda Vital Kuleš pryznaŭ Andreja Chanieviča vinavatym pavodle art. 369-1 (dyskredytacyja Respubliki Biełaruś) i art. 361-4 (sadziejničańnie ekstremisckaj dziejnaści) Kryminalnaha kodeksa i asudziŭ jaho na piać hadoŭ pazbaŭleńnia voli ŭ kałonii va ŭmovach ŭzmocnienaha režymu.
47-hadovy Andrej Chanievič pracavaŭ aparatčykam u cechu «Karbamid-3» u «Hrodna-Azot». Mužčyna maje traich dziaciej.