U zvarocie havorycca pra toje, što rasijskija śpiecsłužby rychtujuć pravakacyi na terytoryi Biełarusi, metaj jakich mohuć być abjekty krytyčnaj infrastruktury, u pryvatnaści BiełAES.
Tak, siońnia Rasija dazvalaje sabie šantažyravać uvieś śviet pahrozaj vykarystańnia jadziernych abjektaŭ i technałohij, zachoplivaje elektrastancyi, pieraškadžaje pracy piersanału z metaj psichałahičnaha ŭździejańnia, demanstruje abstreł i adklučeńnie sistem biaśpieki Zaparožskaj AES.
«Kiraŭnictvu RF plavać na žyćcio rasijskich hramadzian, tym bolš na žyćcio biełarusaŭ i ŭkraincaŭ. Ich mietady nie novyja — teror, zapałochvańnie, apieracyi pad čužym ściaham. Usio heta vykarystoŭvajecca z adnoj metaj — lubymi šlachami ŭciahnuć Biełaruś u vajnu z Ukrainaj — kryvioju i nianaviściu padzialić našy narody», — havorycca ŭ zvarocie.
«Vaš urad užo častkova parušyŭ Kanstytucyju, dazvoliŭšy vajennuju ahresiju RF suprać Ukrainy z vykarystańniem vašaj terytoryi, infrastruktury i resursaŭ. Nie dazvalajcie ŭciahvać siabie ŭ vajnu jašče bolš», — kažuć va USU.
Tak, vajskoŭcy rajać biełarusam adsočvać padazronyja dziejańni, źjaŭleńnie nieznajomych padazronych ludziej, transpartu pablizu abjektaŭ krytyčnaj infrastruktury i paviedamlać pra takija fakty pravaachoŭnym orhanam. Kali ž jany nie reahujuć, infarmavać suśvietnuju hramadskaść usimi dastupnymi sposabami.
«Ukraina, niahledziačy na abstreły i nastup rasijskaj akupacyjnaj armii z terytoryi Biełarusi, nie ličyć vašu krainu, tym bolš vaš narod, voraham. My nie adkazvali ni na adnu prajavu ŭzbrojenaj ahresii z vašaj terytoryi. Tym bolš my nie płanujem i nie źbirajemsia pravodzić nijakich ahresiŭnych dziejańniaŭ na terytoryi Biełarusi», — zajaŭlajuć va USU.
