Prahnoz nadvorja ŭ Biełarusi na 13—15 kastryčnika 2009 hoda.
Pavodle prahnozu Respublikanskaha hidramieteacentra, dniom 13 kastryčnika i na praciahu sutak 14 kastryčnika pa krainie čakajecca niespryjalnaje nadvorje.
U aŭtorak, 13 kastryčnika, dniom na bolšaj častcy terytoryi praciahłyja apadki ŭ vyhladzie daždžu i mokraha śniehu.Paŭsiul čakajecca mocny viecier paryvami da 15—20 m/s.
U sieradu, 14 kastryčnika, na bolšaj častcy terytoryi praciahłyja mocnyja apadki ŭ vyhladzie daždžu i mokraha śniehu, u asobnych rajonach vielmi mocnyja apadki. Pa ŭsioj krainie — mocny viecier paryvami da 15—21 m/s, pa zachadzie miescami da 24 m/s.
U najbližejšyja sutki ŭ Biełarusi vobłačna. Nočču pieravažna pa zachodniaj pałovie daždžy, miescami mocnyja. Dniom na bolšaj častcy terytoryi praciahłyja mocnyja daždžy. U paŭnočna‑zachodnich rajonach mokry śnieh. Nočču pa ŭschodniaj pałovie krainy tuman. U dzionnyja hadziny pa paŭdniovym uschodzie miescami navalnicy. Viecier nočču pieramiennych napramkaŭ 3—8 m/s, dniom paŭnočna‑ŭschodni 7—12 m/s, paryvy da 15—20 m/s. Tempieratura pavietra na praciahu sutak plus 4—9°C, na paŭnočnym zachadzie plus 1—3°C, dniom u Homielskaj i Mahiloŭskaj abłaściach da plus 10—16°C.
U Minsku 13 kastryčnika vobłačna. Nočču nievialiki doždž, dniom praciahły mocny doždž. Viecier nočču pieramiennych napramkaŭ 3—8 m/s, dniom paŭnočna‑ŭschodni 7—12 m/s, paryvy da 15—20 m/s. Tempieratura pavietra nočču plus 3—5°C, dniom plus 5—7°C.
U nastupnyja dvoje sutak, 14—15 kastryčnika, pa respublicy čakajecca vobłačna. 14 kastryčnika praciahłyja mocnyja apadki (mokry śnieh, pa ŭschodzie z daždžom), u asobnych rajonach vielmi mocnyja apadki, miescami hałalod. Viecier paŭnočna‑ŭschodni, paŭnočny 7—12 m/s, nočču na bolšaj častcy terytoryi, dniom pa paŭnočna‑zachodniaj pałovie paryvy da 16—21 m/s, u asobnych rajonach da 24 m/s.
Tempieratura pavietra na praciahu sutak 0 - plus 7°C, pa ŭschodzie plus 10—12°C.
15 kastryčnika na bolšaj častcy terytoryi apadki ź pieravažańniem mokraha śniehu. Nočču i ranicaj na asobnych učastkach daroh hałalodzica. Viecier pieramiennych napramkaŭ 5—10 m/s, paryvy da 14 m/s. Tempieratura pavietra nočču ad minus 3 da plus 3°C, dniom ad minus 1 da plus 5°C.
U Minsku 14 kastryčnika zachavajecca niespryjalnaje nadvorje. Vobłačna. Praciahłyja apadki (pieravažna mokry śnieh), nočču i ŭ pieršuju pałovu dnia apadki mocnyja. Viecier paŭnočna‑zachodni 7—12 m/s, paryvy da 16—20 m/s. Tempieratura pavietra nočču plus 1—3°S, dniom plus 3—5°S.
