Volha Aniščuk
Volha Aniščuk — była zatrymana 4 listapada i nieadnarazova pakaranaja administracyjnym aryštam. U IČU Volha abviaściła pra haładoŭku — jana śpić na bietonnaj padłozie, try razy na dzień jaje prymušajuć raspranacca dahała i prysiadać.
Uładzisłaŭ Bahamolnikaŭ — byŭ zatrymany 31 žniŭnia i z tych časoŭ nieadnarazova pakarany administracyjnym aryštam. Raniej śviatar abviaščaŭ haładoŭku ŭ padtrymku Ihara Łosika, a taksama słužyŭ lityju pa zabitym siłavikami Ramanie Bandarenku.
Nasta Łojka — zatrymana 28 kastryčnika i trojčy asudžana da administracyjnaha aryštu, praciahvaje ŭtrymlivacca ŭ izalatary. Na adnym z sudoŭ pravaabaronca raspaviadała pra katavańni — supracoŭnik HUBAZiK udaryŭ jaje elektrašokieram, a adzin z supracoŭnikaŭ CIP vyvieŭ jaje va ŭnutrany dvor i pakinuŭ biez vopratki na 8 hadzin.
Pravaabaroncy zaklikajuć:
— skasavańnia vyniesienych u dačynieńni da palitźniavolenych sudovych pastanoŭ i ich nieadkładnaha vyzvaleńnia;
— spynieńnia represij u adnosinach da inšadumcaŭ i ŭdzielnikaŭ mirnych schodaŭ; vyzvaleńnia ŭsich administracyjna aryštavanych za realizacyju svaich hramadzianskich pravoŭ i svabod;
— nieadkładnaha vyzvaleńnia ŭsich palityčnych źniavolenych i spynieńnia palityčnych represij suprać hramadzian krainy.
