Fota: AR
82-hadovy Piele, jakomu hod tamu vydalili puchlinu, byŭ špitalizavany ŭ San-Paŭłu ŭ aŭtorak, tady paviedamlałasia, što heta byŭ zvyčajny štomiesiačny vizit.
Na minułym tydni ŭ Piele dyjahnastavali reśpiratornuju infiekcyju, i ŭ piatnicu balnica Albierta Ejnštejna ŭ San-Paŭłu paviedamiła, što jaho stan stabilny.
Fota: AR
Adnak, pa paviedamleńniach z Brazilii ad 3 śniežnia, jakija nie byli naležnym čynam paćvierdžany «Bi-bi-si», Piele bolš nie reahuje na chimijaterapiju i znachodzicca pry śmierci.
Słovy padtrymki vialikamu futbalistu iduć z usiaho śvietu.
«Maliciesia za karala», — napisaŭ napadajučy zbornaj Francyi, adna z zorak ciapierašniaha čempijanatu śvietu Kilijan Mbapie.
Trochrazovamu pieramožcu čempijanatu śvietu ŭ vieraśni 2021 hoda vydalili puchlinu z toŭstaj kiški, i z taho času jon rehularna prachodziŭ lačeńnie.
Vystupajučy ŭ subotu, kapitan zbornaj Anhlii Hary Kiejn skazaŭ: «Nam vielmi sumna čuć naviny ab jaho chvarobie, ale my žadajem jamu zdaroŭja, nie tolki ja, ale i ŭsia zbornaja Anhlii. Jon natchniaje, nievierahodny čałaviek».
Kraina-haspadynia čempijanatu śvietu pa futbole Katar prademanstravała svaju padtrymku Piele ŭ subotu, aśviatliŭšy budynki nadpisam «Papraŭlajsia chutčej».
Stadyjon «Łusai» ŭ horadzie Docha, dzie 18 śniežnia projdzie finał čempijanatu śvietu, i vieža «Aspajr» pobač sa stadyjonam «Chalifa» byli ŭpryhožany fatahrafijami Piele ŭ jaho znakamitaj futbołcy z numaram 10.
Fota: AR
Piele (jaho sapraŭdnaje imia Edsan Arantas du Nasimientu) da hetaha času zjaŭlajecca najlepšym bambardziram zbornaj Brazilii za ŭsiu historyju. «Santas», adziny brazilski kłub, za jaki jon hulaŭ, napisaŭ u tvitary: «Uvieś śviet žadaje vam usiaho najlepšaha, karol Piele».
