U Minadukacyi ŭdakładniajuć, što z 1 studzienia vyrastuć zarobki nastaŭnikaŭ, vykładčykaŭ, majstroŭ vytvorčaha navučańnia ŭstanoŭ adukacyi (akłady im pavysiać na 6%), prafiesarska-vykładčyckaha sastavu (15%).
Taksama pavysiać zarobki mietadystaŭ i kiraŭnikoŭ strukturnych padraździaleńniaŭ, adasoblenych padraździaleńniaŭ, jakija zajmajucca navukova-mietadyčnaje zabieśpiačeńniem. Va ŭstanovach respublikanskaha ŭzroŭniu prybaŭka składzie 30% ad akładu, a na abłasnym i rajonnym uzroŭni — 20%. U pieršym vypadku havorka idzie pra supracoŭnikaŭ Akademii paśladypłomnaj adukacyi, Respublikanskaha instytuta prafiesijnaj adukacyi, Nacyjanalnaha instytuta adukacyi Minadukacyi, Respublikanskaha instytuta vyšejšaj škoły, a ŭ druhim — instytutaŭ raźvićcia adukacyi, vučebna-mietadyčnych centraŭ, vučebna-mietadyčnych kabinietaŭ.
«Ustanoŭlena nadbaŭka za charaktar pracy rabočym, dziažurnamu pa internacie, dziažurnamu pa režymie, sakrataru vučebnaj častki, rabotnikam biudžetnych arhanizacyj śfiery adukacyi, čyje pasady źjaŭlajucca ahulnymi dla ŭsich vidaŭ ekanamičnaj dziejnaści, zamiest bazavaj dapłaty da minimalnaj zarabotnaj płaty», — udakładnili ŭ Minadukacyi.
