Adnak Biełaruś u cełym hatova da aciaplalnaha siezona.
Pra heta paviedamiŭ pieršy namieśnik premjer‑ministra Biełarusi Uładzimir Siamaška na pasiadžeńni prezidyuma Savieta ministraŭ, na jakim abmiarkoŭvałasia hatoŭnaść narodnaj haspadarki krainy da pracy ŭ asieńnie‑zimovy pieryjad.
Poŭnaja padrychtoŭka da aciaplalnaha siezonu pavinna być zavieršana ŭ bližejšyja dni, pierakanany Siamaška.
Pavodle źviestak na 13 kastryčnika, spažyŭcy Viciebskaj i Mahiloŭskaj abłaściej atrymoŭvajuć aciapleńnie ŭ poŭnym abjomie. Amal nie adstajuć ad ich Minskaja, Hrodzienskaja i Homielskaja vobłaści. U bresckaj vobłaści tolki 72% spažyŭcoŭ atrymali ciapło, a ŭ Minsku ‑‑ 80%.
Uładzimir Siamaška vykazaŭ ździŭleńnie, čamu ŭ Minsku ciapłom zabiaśpiečany tolki 80% spažyŭcoŭ. «Naściarožvaje infarmacyja, što niama ŭsich pašpartoŭ hatoŭnaści spažyŭcoŭ i krynic. Chto heta nie zrabiŭ dahetul, ryzykuje, tamu što budzie tłumačyć zatrymku, kali, nie daj boh, što adbudziecca», — skazaŭ pieršy namieśnik kiraŭnika urada.
