A miascovyja, u krasaviku 2010-ha, stanuć dla ich testam. Pra svoj namier udzielničać u miascovych vybarach imhnienna zajaviŭ Ruch «Za Svabodu» Alaksandra Milinkieviča.
Vybary prezidenta respubliki Biełaruś projduć u pačatku 2011 hodu, a ŭ miascovyja saviety deputataŭ — u krasaviku 2010. Takija terminy byli vyznačanyja 20 kastryčnika padčas sustrečy Alaksandra Łukašenki z kiraŭnicaj CVK Lidzijaj Jarmošynaj.
Hetyja vybarčyja kampanii pavinny prajści asobna, navat niahledziačy na ekanamičnuju niavyhadu. Matyvacyja z vusnaŭ Łukašenki: prezidenckija vybary nie pavinny sumiaščacca ź inšaj kampanijaj, kab nie devalvavać ich značnaść.
Łukašenka vykazaŭsia za toje, što prezidenckija vybary nie treba pravodzić daterminova.
«Ja dumaju, što rabić hetaha nielha, tamu što znoŭ pojduć abvinavačvańni, što ŭłada pajšła na praviadzieńnie vybaraŭ jak možna raniej, našy palityčnyja apanienty nie byli da hetaha hatovyja, hrošaj nie sabrali, nie abjadnalisia, nie raźjadnalisia — znoŭ nas abvinavaciać», — vykazaŭ Łukašenka kłopat za apazicyju.
Paviedamlajecca taksama ab kaśmietyčnych źmienach vybarčaha zakanadaŭstva.CVK zrobić kiraŭniku dziaržavy šerah prapanovaŭ, inicyjavanych ABSIE i palityčnymi partyjami.
Jany datyčać sproščvańnia paradku vyłučeńnia kandydataŭ u deputaty, mieraŭ dadatkovaj achovy skryniaŭ dla hałasavańnia, zabieśpiačeńnie nadziejnaści daterminovaha hałasavańnia. Nahadajem, što patrabavańniami apazicyi była poŭnaja admiena daterminovaha hałasavańnia, publičny padlik hałasoŭ i ŭdzieł pradstaŭnikoŭ niezaležnaj hramadskaści ŭ vybarčych kamisijach.
Što da miascovych vybaraŭ, to jany, vyhladaje, stanuć niejkim testam. Dla Jeŭropy? Ci dla samoha Łukašenki, ci zdolny jon vyjhravać pry inšych umovach hulni? Sam Łukašenka kaža: «Usie ŭbačać svoj rejtynh, kali projduć vybary ŭ saviety. I zrobiać adpaviednyja vyniki, praŭki, u suviazi z hetym vyłučać kandydataŭ na vybary-2011».
Prezidenckija vybary pavinny adbycca nie paźniej za luty 2011 hodu, a miascovyja — za śniežań 2010.
Pra svoj namier udzielničać u miascovych vybarach imhnienna zajaviŭ Ruch «Za Svabodu» Alaksandra Milinkieviča.
