Kolkaść paranienych u Dniapry vyrasła da 39, ź ich siem dziaciej 1
U Dniapry praciahvajucca vyratavalnyja pracy. Pa danych na hety čas, u vyniku papadańnia rasijskaj rakiety pa dzieviacipaviarchoviku zahinuli 5 mirnych žycharoŭ, paranienyja 39 čałaviek, u tym liku siem dziaciej. Usie dzieci ŭ balnicy. 9-hadovaja dziaŭčynka — u ciažkim stanie, paviedamiŭ kiraŭnik Dnieprapiatroŭskaj vobłaści Valancin Raźničenka.
Taksama Raźničenka zajaviŭ, što SPA źbiła nad vobłaściu šeść rasijskich rakiet.
Prezident Ukrainy Uładzimir Zialenski adreahavaŭ na trahiedyju ŭ Dniapry ŭ sacsietkach.
«Viečnaja pamiać usim, čyje žyćci zabraŭ ruski teror! Śviet pavinien spynić heta zło. Razbor zavałaŭ u Dniapry praciahvajecca. Usie słužby pracujuć. Zmahajemsia za kožnaha čałavieka, kožnaje žyćcio. Znojdziem usich datyčnych da hetaha teroru. Usie paniasuć adkaznaść. Maksimalnuju», — napisaŭ Zialenski.