Andrea Warnecke, picture alliance/dpa
Uletku 2022 hoda maleńkaja žycharka horada Insbruk u aŭstryjskim rehijonie Tyrol hulała ŭ piasočnicy, mima prachodziŭ susiedski kot pa mianušcy Simba. Dziaŭčynka chacieła jaho pahładzić, i jon ukusiŭ jaje. Miesca ŭkusu zapaliłasia, a baćki padali na ŭładalnicu kata ŭ sud. Zatym situacyja abvastryłasia.
Padazravany ŭ złačynstvie kot sam źjaviŭsia ŭ dom da paciarpiełaj praz adčynienyja dźviery terasy. Mama dziaŭčynki zamknuła jaho ŭ vannym pakoi i vyklikała vieterynaraŭ.
Simbu adpravili ŭ prytułak na čatyry tydni na karancin, dazvoliŭšy viarnuć jaho haspadyni pry ŭmovie «chatniaha aryštu». Prakuratura razharnuła cełaje śledstva — jašče čatyry paciarpiełyja abvinavacili taho ž kata ŭ naniasieńni «cialesnych paškodžańniaŭ». U aŭstryjskaj palicyi zrabili aficyjnuju zajavu: «Chatnich žyvioł varta ŭtrymlivać takim čynam, kab nichto nie zaznaŭ niebiaśpieki».
Narešcie sprava dajšła da suda, i tut zdaryłasia niečakanaść: śviedki nie zmahli apaznać kata pa fota! Bolš za toje, rabotnica prytułku śćvierdziła, što ŭ čas znachodžańnia tam Simba pakazaŭ siabie jak dobry i pryjazny kot. U śniežni 2022 hoda kata i jaho ŭładalnicu apraŭdali za niedachopam dokazaŭ. Zrešty, bok abvinavačvańnia abiacaje padać apielacyju.
Hetuju historyju možna ličyć kurjozam, ale adnu surjoznuju vysnovu zrabić usio ž varta: za svaimi hadavancami varta sačyć i nie dapuskać, kab jany na kahości napadali.
