«My hanarymsia raźvićciom biełaruskaha futboła za paraŭnalna karotki čas», — zajaviŭ hałoŭny trenier nacyjanalnaj zbornaj Biernd Štanhie, vystupajučy na CHCHCH Mižnarodnym simpoziumie trenieraŭ pa futbole 26 kastryčnika ŭ Minsku.
«U pačatku 90‑ch hadoŭ na hetaj terytoryi, viadoma, hulali ŭ futboł, ale była, pa‑sutnaści, tolki adna kamanda — «Dynama» (Minsk), jakaja stanaviłasia čempijonam SSSR», — adznačyŭ Štanhie. U toj ža čas, pavodle jaho słoŭ, historyja takich kłubaŭ, jak «Livierpul», naličvaje bolš za 100 hadoŭ.
«My hanarymsia tym, što ŭ finale maładziožnaha pieršynstva Jeŭropy hulała maleńkaja Biełaruś, tady jak Francyja, Ukraina, Rasija ŭ Šviecyju nie trapili, — skazaŭ niamiecki śpiecyjalist — BATE vychodziŭ u hrupavuju stadyju Lihi čempijonaŭ i Lihi Jeŭropy, dzie dvojčy zhulaŭ uničyju z «Juvientusam» i adzin raz z «Zienitam», a dniami pieramoh hrečaski AJEK».
«Hetaja kraina ruchajecca napierad», — zajaviŭ Štanhie, na rachunku jakoha 102 matčy ŭ jakaści hałoŭnaha treniera zbornych (54 — HDR, 5 — Amana, 21 — Iraka, 22 — Biełarusi).
Simpozium, jaki prachodzić pad ehidaj Jeŭrapiejskaj asacyjacyi trenieraŭ pa futbole (AEFCA), Štanhie nazvaŭ kulminacyjaj ciapierašniaha etapu raźvićcia biełaruskaha futboła. «Kali chtości skaža, što takoje mierapryjemstva ničym nie dapamahło, jamu treba šukać inšuju pracu, — zajaviŭ trenier. — A kali kamuści niedastatkova imionaŭ Žerara Ulje, Endzi Roksburha, Huusa Chidynka, Ježy Enhiela, mnie zastajecca tolki raźvieści rukami».
