Pavodle hetaha paviedamleńnia, ničoha dobraha ŭ ciapierašniaj situacyi niama, padletak faktyčna ŭziaty ŭ zakładniki. Jon adpraŭleny ŭ SIZA na Vaładarskaha, jamu vystaŭlena abvinavačvańnie pa kryminalnaj spravie, pa jakoj pahražaje termin źniavoleńnia ad 3 da 10 hadoŭ.
Z 17 studzienia padletak znachodziŭsia ŭ IČU, paśla byŭ pieraviedzieny ŭ śpiecyjalny dyspansier Śledčaha kamiteta, a z učarašniaha dnia ŭtrymlivajecca ŭ SIZA. Jon uvieś čas znachodzicca pad presam, pavodle infarmacyi starejšaha brata, ź jaho imknucca vybić patrebnyja pakazańni. Advakaty doŭhi čas da chłopca nie dapuskalisia, baćkam admaŭlali ŭ sustrečy.
Administratar kanała zaklikaje ŭsiu hramadskaść cyvilizavanych krain, usie ŚMI i ŭsich žurnalistaŭ, pravaabarončyja arhanizacyi i hramadskich dziejačaŭ, usich nieabyjakavych nie pakinuć biez uvahi i addać šyrokaj ahałoscy toje, što adbyvajecca, ličačy, što mižnarodny cisk moža źmianić situacyju.
Sam ža na patrabavańni siłavikoŭ jon paddavacca nie źbirajecca, jak i vieści ź imi pieramovy. «Z terarystami pieramovy biessensoŭnyja!» — zajaŭlaje administratar, majučy namier praciahnuć vieści kanał.
Čytajcie taksama:
Na 15-hadovaha brata admina kanała čyhunačnikaŭ zaviali kryminalnuju spravu
