Analityki ISW adznačajuć, što rasijski bok pierabolšvaje efiektyŭnaść padobnych udaraŭ, jakija patrabujuć bojeprypasaŭ, kolkaść jakich abmiežavanaja.
Značnych źmien linii frontu niama: rasijskija siły praciahvajuć atakavać na paŭnočny zachad ad Svatava i Kramiannoj (Łuhanskaja vobłaść), u rajonie Bachmuta i na zachadzie Danieckaj vobłaści; paviedamlałasia ab asobnych bajach u Zaparožskaj vobłaści.
U zvodcy taksama apisvajecca epizod z rasijskaj kałonaj braniatechniki, jakaja, jak pišuć «vajenkaraŭskija» telehram-kanały, była razhromlenaja ŭ rajonie Vuhladara. ISW nazyvaje hetuju historyju śviežym bolevym punktam u infarmacyjnaj prastory. Rasijskija pravajennyja błohiery aburajucca tym, što kałona stała lohkaj mišeńniu praz adsutnaść naležnaha prykryćcia: adny ŭskładajuć adkaznaść za hibiel bajcoŭ i źniščeńnie techniki na hienierała Rustama Muradava (pad jaho kamandavańniem u listapadzie rasijanie šturmavali Paŭłaŭku — taksama sa značnymi stratami), inšyja zaklikajuć da publičnych trybunałaŭ nad kamandzirami, jakija praštrafilisia.
Takoha kštałtu krytyka charakternaja dla rasijskich pravajennych błohieraŭ, adznačaje ISW: uskładańnie viny za pravały na asobnych aficeraŭ advodzić uvahu ad sistemnych prablem rasijskich Uzbrojenych sił, u pryvatnaści, ad drennaj padrychtoŭki mabilizavanych. Rasijskija vajskoŭcy aficyjna nie kamientavali straty pry niaŭdałaj sprobie nastupu pad Vuhladaram.
Uvieś śviet bačyć, što rasijcy nie zdolnyja vieści vajnu suprać vojska Ukrainy, jakoje maje zbroju NATA, u niepasrednym sutyknieńni na linii frontu. Časovyja pazicyjnyja pieravahi z'ŭlajucca tolki pry vykarystańni nieapraŭdana padvyšanaj kolkasnaj pieravahi ŭ žyvoj sile i technicy i nieabačlivym achviaravańni hetymi resursami. Tamu rasija sprabuje nanieści parazu nie ŭkrainskaj armii, a Ukrainie jak dziaržavie i ŭkraincam jak narodu, źniščajučy nasielnictva i cyvilnuju infrastrukturu hłyboka ŭ tyle dalokabojnymi rakietami. I,zdavałasia b, Zachadu davoli prosta pastavić hetamu zasłonu, zabiaśpiečyŭšy Ukrainu efiektyŭnymi supraćrakietnymi kompleksami, kab va ŭkrainskaha kiraŭnictva nie baleła hałava za toje, jak abaranić tyłavyja rehijony ad rakiet, a jano zasiarodziłasia na naniasieńni parazy zachopnikam na froncie. Ale viadziecca niejkaja niezrazumiełaja kułuarnaja hulnia "dam-nie dam". Bolš taho. učrašni abstreł pakazaŭ, što rasijcy sprabujuć pravieryć NATA na zdolnaść adekvatna reahavać, nakiroŭvajučy svaje rakiety ŭ zachodnija vobłaści Ukrainy praz pavietranuju prastoru Małdovy i Rumynii i adnačasova pakazvajučy Jeŭrrasajuzu, što jon pry ŭsim jahonym imknieńni asabliva nie zahłyblacca ŭ rasijska-ŭkrainskuju vajnu, ani nie zastrachavany ad pierakidvańnia jejnaha połymia na krainy ES. Na žal, reakcyju zachodnich sajuźnikaŭ nazvać adekvatnaj nielha - jany schavali hałavu ŭ piasok i skazali, što ničoha nie było, usim zdałosia.