U dakumiencie paviedamlajecca, što brendy kampanii «robiać kroki pa abmiežavańni dostupu da svaich pasłuh u Rasii», a da 30 červienia zavieršać vychad z rynku krainy.
«My addanyja abaronie pravoŭ čałavieka», — tłumačać rašeńnie ŭ Match Group.
Vykanaŭčy dyrektar kampanii Friends Fiduciary Corp, akcyjaniera Match Group, skazaŭ Reuters, što ŭ kampanii byli važkija pryčyny syści z rasijskaha rynku.
Pavodle jaho słoŭ, drenna, kali nadziejny brend praciahvaje pracu ŭ krainie, prezident jakoj abvinavačvany Mižnarodnym kryminalnym sudom.
Ahienctva adznačaje, što Match Group rabiła mała publičnych zajaŭ pra svaju pracu ŭ Rasii z pačatku vajny. Pry hetym kampanija paviedamlała ab niehatyŭnych tendencyjach dla biznesu ŭ Jeŭropie ŭ sakaviku 2022 hoda. Rasijskija karystalniki nie mahli apłačvać pry dapamozie rasijskich kart płatnyja pasłuhi ŭ Tinder paśla pačatku vajny.
Financial Times pisała ŭ sakaviku, što ŭ čarzie na vychad z rasijskaha biznesu blizu 2000 kampanij. Prodaž rasijskich pradstaŭnictvaŭ zamiežnych pradpryjemstvaŭ pavinny ŭchvalać rasijskija ŭłady.
Čytajcie taksama:
Wargaming abahnaŭ EPAM i lidziruje pa padatkach u Litvie
U Vilni žyvie 23 tysiačy biełarusaŭ. Heta samaja vialikaja hrupa siarod zamiežnikaŭ
