Plamieńnica karala Karła III pryncesa Jaŭhienija naradziła druhoje dzicia — chłopčyka, jakoha nazvali Ernest Džordž Roni.
Fota ź instahrama pryncesy Jaŭhienii
Jaŭhienija zamužam za Džekam Bruksbenkam, u ich užo jość syn Aŭhust, jaki naradziŭsia ŭ 2021 hodzie. Pra naradžeńnie dziciaci para abviaściła ŭ instahramie. Jaŭhienija padzialiłasia fatahrafijaj Ernesta ŭ viazanaj sinie-biełaj šapačcy, piša Bi-bi-si.
Jaŭhienija skazała, što małoha nazvali ŭ honar «jaho pra-pra-pradzieda Džordža, jaho dziaduli Džordža i majho dziaduli Ronalda».
Pra-pra-pradziedam chłopčyka byŭ karol Hieorh V, u jakoha adnym ź siarednich imionaŭ było Ernest. Jano i dastałasia novanarodžanamu.
Fota ź instahrama pryncesy Jaŭhienii
32-hadovaja Jaŭhienija — dačka hiercaha Jorkskaha Endru, siaredniaha syna karalevy, i Sary (Fierhi), hiercahini Jorkskaj, i ŭnučka pamierłaj karalevy.
Novy karaleŭski siamiejnik Ernest Bruksbenk ciapier zajmaje 13-je miesca ŭ čarzie na pasad, a hiercah Edynburhski ŭ vyniku jaho źjaŭleńnia na śviet apuściŭsia na 14-je miesca.
Viadoma, što svajo pieršaje dzicia Jaŭhienija naradžała ŭ pryvatnaj klinicy Portland Hospital.
Na publicy pryncesa apošni raz pakazvałasia 6 maja na karanacyi karala.
Čytajcie taksama:
Karol Karł III karanavany aficyjna
Karalevu Lizavietu II źbiralisia zabić u 1983 hodzie — dakumienty FBR
Na karanacyi Karła III zaŭvažyli niečakanaha hościa. Žarty ŭ sacsietkach nie spynić
