Jeŭrapiejski sud pastanaviŭ, što pasažyry, vylet samalota jakich zatrymlivajecca bolš čym na try hadziny, majuć prava na takuju ž hrašovuju kampiensacyju, jak i ŭ vypadku poŭnaj admieny rejsa, — 600 jeŭra.
Jak paviedamlaje Daily Telegraph, avijapieravozčyk moža admović pasažyru ŭ vypłacie kampiensacyi tolki ŭ vypadku, kali zdoleje dakazać, što zatrymka vyklikana «nadzvyčajnymi akaličnaściami», da jakich nie adnosicca, naprykład, pałomka samalota.
Pasažyry, čyj rejs byŭ admienieny niezadoŭha da vyletu, atrymlivajuć prava patrabavać kampiensacyju, navat kali avijakampanija dała im mahčymaść lacieć inšym samalotam na try i bolš hadziny paźniej.
Zhodna z praviłami, što isnavali dahetul, u vypadku zatrymki rejsa mienš čym na piać hadzin pasažyry mahli raźličvać na abied, biaspłatnaje telefanavańnie i numar u hateli. Hrošy za bilet viartalisia, kali vylet byŭ zatrymany bolš čym na piać hadzin.
0
0
0
0
0
0
