Na pasiadžeńni 30 listapada deputaty Pałaty pradstaŭnikoŭ ratyfikavali pahadnieńnie pamiž uradami Biełarusi i Rasii ab uzajemnym uniasieńni adznak ab zaklučeńni abo skasavańni šlubu ŭ pašparty.
Ministr justycyi Viktar Hałavanaŭ paviedamiŭ, što Biełaruś upieršyniu zaklučyła padobny dakumient.
«Pašpart źjaŭlajecca ŭłasnaściu krainy, a tamu adznaki ŭ im moža stavić tolki dziaržava, jakoj jon naležyć. Biełaruś i Rasija nikoli nie dazvalali inšym dziaržavam stavić adznaki ŭ pašpartach», — patłumačyŭ jon.
U adpaviednaści z pahadnieńniem pry zaklučeńni ci skasavańni šlubu pamiž hramadzianami Biełarusi i Rasii kampietentnyja orhany bakoŭ unosiać na ruskaj movie ŭ pašparty hramadzian adznaki.
Hałavanaŭ paviedamiŭ, što kožny hod ŭ Biełarusi zaklučajecca kala 90 tys. šlubaŭ, skasoŭvajecca — kala 36 tys.
Kožny čaćviorty šlub zaklučajecca ź inšaziemcam, 17—20% ź ich — z hramadzianinam Rasii.
0
0
0
0
0
0
