Radovišča ŭ Rečyckim rajonie nazyvajecca Uschodnie-Niakrasaŭskim, raskazaŭ namieśnik hiendyrektara «Biełarusnafty» pa hieałohii Piatro Poŭžyk.
Raniej na hetym miescy vyjavili padsalavuju strukturu. Śpiecyjalisty praciahnuli daśledavać terytoryju na placy 150 kvadratnych kiłamietraŭ.
«Pry bureńni śvidraviny z užyvańniem technałohii hidrarazryvu płasta na hłybini 4,2 tysiačy mietraŭ pry vyprabavańni padsalavych adkładaŭ my atrymali pramysłovy prytok nafty debitam paradku 30 kubamietraŭ za dzień», — raskazaŭ Poŭžyk.
Novaje radovišča čakaje detalizacyja pabudovy, pastanoŭka na dziaržaŭny bałans i padlik zapasaŭ vuhlevadarodaŭ. Pavodle papiaredniaj acenki ekśpiertaŭ, ich nie mienš za 200 tysiač ton.
Čytajcie taksama:
Dola vykapniovaha paliva ŭ enierhietycy źmienšyłasia ŭ Jeŭrasajuzie da histaryčnaha minimumu
Biełaruś i Rasija pakul nie damovilisia ab roście taryfu na tranzit nafty
