Z kanca kastryčnika pa pačatak śniežnia ŭ Homielskaj vobłaści byli špitalizavany ź pnieŭmanijaj kala 6.700 čałaviek
U pieryjad epidemičnaha ŭzdymu zachvorvańnia na hryp i VRI (z 29 kastryčnika pa 4 śniežnia) u Homielskaj vobłaści źviarnulisia pa miedycynskuju dapamohu 191.659 čałaviek, što ŭ 4,8 razu bolš, čym za anałahičny letašni pieryjad. Špitalizavana 6.460 čałaviek z VRI i 6.678 čałaviek ź pnieŭmanijaj.
Jak paviedamili ŭ pres‑słužbie Homielskaha abłvykankama, zaraz u vobłaści adznačajecca źnižeńnie zachvorvańnia na VRI i palapšeńnie epidemičnaj situacyi. Za apošnija dva tydni (19.11—02.12) zarehistravana 46.720 vypadkaŭ vostrych reśpiratornych infiekcyj, što ŭ 2,4 razu mienš u paraŭnańni z papiarednimi dvuma tydniami (05.11—18.11).
U suviazi sa źmianšeńniem uzroŭniu zachvorvańnia z 4—5 śniežnia admienieny supraćepidemičnyja mierapryjemstvy ŭ Homieli, Mazyry, Dobrušskim, Jelskim, Homielskim, Rahačoŭskim, Śvietłahorskim i Čačerskim rajonach.
***
Uzdym zachvorvańnia na VRI ŭ Homielskaj vobłaści sioleta pačaŭsia 29 kastryčnika — 4 listapada. Jon rehistravaŭsia va ŭsich rehijonach Biełarusi,
najbolšy ŭzrovień zachvorvańnia z pačatku siezona adznačany ŭ Minskaj (16.560 vypadkaŭ na 100 tysiač nasielnictva) i Homielskaj (16.365 na 100 tysiač nasielnictva) abłaściach,
najmienšy — u Hrodzienskaj (10.886 na 100 tysiač nasielnictva) i Bresckaj (10.942 na 100 tysiač nasielnictva) abłaściach.
U Homielskaj vobłaści ŭzdym zachvorvańnia na VRI adznačaŭsia amal adnačasova (ź intervałam try‑piać dzion) va ŭsich rehijonach. Najbolšy ŭzrovień zachvorvańnia na VRI (vyšejšy za siarednieabłasnyja pakazčyki) byŭ zarehistravany ŭ Homieli, Mazyry, Rečycy, Jelskim, Naraŭlanskim, Chojnickim, Čačerskim, Lelčyckim i Buda‑Kašaloŭskim rajonach.
Z ulikam najaŭnaj situacyi z 4 pa 6 listapada na ŭsich administracyjnych terytoryjach byli ŭviedzieny supraćepidemičnyja mierapryjemstvy.
Najbolšyja ŭzroŭni zachvorvańnia na VRI adznačalisia 5—18 listapada ź pikam zachvorvańnia 9 listapada, kali było zarehistravana 20.078 vypadkaŭ VRI.
6 listapada ŭ vobłaści skončana imunizacyja darosłaha i dziciačaha nasielnictva suprać hrypu. Pryščeplena 121.500 čałaviek za košt srodkaŭ respublikanskaha i miascovaha biudžetaŭ. Za košt srodkaŭ pradpryjemstvaŭ, arhanizacyj i ŭłasnych srodkaŭ nasielnictva pryščeplena 15.450 čałaviek (achop pa vobłaści skłaŭ 9,4%).