Kompleks «Iskander», jaki moža nieści jadziernuju zbroju. Fota: «Vajar»
Raźmiaščeńnie taktyčnaha jadziernaha ŭzbrajeńnia Rasii ŭ Biełarusi idzie pa płanie, pra heta zajaviŭ namieśnik kiraŭnika MZS RF Siarhiej Rabkoŭ, piša «Sputnik».
Kiraŭniki abaronnych viedamstvaŭ Biełarusi i Rasii Viktar Chrenin i Siarhiej Šajhu 25 maja padpisali dakumienty ab paradku ŭtrymańnia rasijskaj jadziernaj zbroi ŭ śpiecyjalnym schoviščy na biełaruskaj terytoryi.
Biełaruskija lotčyki i rakietčyki prajšli śpiecyjalnuju padrychtoŭku ŭ Rasii, kab atrymać navyki abychodžańnia sa śpiecyjalnym vidam uzbrajeńniaŭ.
Płanujecca, što ŭ Biełarusi buduć znachodzicca taktyčnyja jadziernyja zarady, jakija mohuć raźmiaščacca na Su-25 i ATRK «Iskander-M».
***
25 sakavika Pucin zajaviŭ, što ŭ Biełarusi budzie raźmieščana jadziernaja zbroja.
25 maja Viktar Chrenin i Siarhiej Šajhu padpisali dakumienty, jakija vyznačajuć paradak utrymańnia rasijskaj niestratehičnaj jadziernaj zbroi ŭ śpiecyjalnym schoviščy na terytoryi Biełarusi. Płanavałasia, što zbroja budzie zavieziena da 6 lipienia.
16 červienia Uładzimir Pucin zajaviŭ, što pieršyja taktyčnyja jadziernyja snarady byli dastaŭlenyja ŭ Biełaruś, dadaŭšy, što da kanca leta RF hetuju pracu vykanaje całkam.
27 červienia Łukašenka skazaŭ, što bolšaja častka rasijskaj taktyčnaj jadziernaj zbroi zaviezienaja ŭ Biełaruś.
22 lipienia amierykanskaja raźviedka zajaviła, što ŭ Biełaruś zavieziena pieršaja partyja taktyčnaj jadziernaj zbroi.
15 žniŭnia Łukašenka zajaviŭ, što raźmiaščeńnie taktyčnaj jadziernaj zbroi ŭ Biełarusi — heta «adekvatnaja reakcyja» na «paskoranuju militaryzacyju Uschodniaj Jeŭropy».
Čytajcie taksama:
Amierykanskaja raźviedka ličyć, što rasijskaja jadziernaja zbroja ŭžo ŭ Biełarusi — CNN
Łukašenka nazvaŭ užo novyja terminy pastaŭki ŭ Biełaruś jadziernaj zbroi. Jany ŭvieś čas ssoŭvajucca
