Juryj, jaho žonka i maleńkaja dačka. Fota: sacsietki
Pra heta paviedamiŭ jaho kaleha Alaksandr Jakavienka sa spasyłkaj na siabroŭ mužčyny.
«Ja nie mieŭ znosiny ź im blizka, ale amal kožny adesit viedaje hetuju siamju. Jura — muž, baćka, voin, piekar i kaleha ŭ prajekcie Make My Cake, Adesa, dzie ja saŭładalnik. Mienavita jon rabiŭ viadomyja ŭ Adesie paski ad našaj kandytarskaj — hety dzień byŭ jaho pieršym vychadnym, jon vyjšaŭ u kramu, kali viarnuŭsia, jaho śviet byŭ razburany.
23 krasavika 2022 hoda ŭ jaho siamju pryjšoŭ «ruski śviet» — rasijskaja rakieta razburyła žyły kompleks «Ciras» u Adesie. Trahiedyja adabrała žyćcio trochmiesiačnaj Kiry Hłodan, jaje mamy Valeryi i babuli Ludmiły — heta siamja Jury.
Jon pavioŭ siabie jak hodny čałaviek ukrainskaj nacyi — pajšoŭ va USU, spačatku Azoŭ, potym 3-ja šturmavaja. Siońnia daviedaŭsia, što jon zahinuŭ, abaraniajučy svaju krainu. Śvietłaja pamiać, čałaviek ź vialikim sercam», — napisaŭ u fejsbuku Alaksandr.
Jon udakładniŭ, što aficyjnaha zaklučeńnia jašče niama. Hłodan ličycca źnikłym bieź viestak z 12 vieraśnia.
Zahinułaha mužčynu, jak pišuć, apaznali pa kryžyku.
«My byli vielmi ščaślivyja, kali jana naradziłasia, — raskazvaŭ Juryj pra dačku i žonku paśla ich hibieli. — Ja byŭ u radzilnym domie, kali jana naradziła.
Mnie vielmi ciažka ciapier uśviedamlać, što majoj dački i žonki ŭžo niama. Uvieś moj śviet źniščyła rasijskaja rakieta».
Čytajcie taksama:
«Moj śviet źniščyła rasijskaja rakieta». Apovied baćki zahinułaha niemaŭlaci z Adesy
Biełarusy, pamiatajcie, što “ruski śviet” niasie rakiety, vojny, hora, straty, razbureńni, haleču, ubohaść i razruchu.