«Raspracoŭka łahatypa — tolki adzin sa składnikaŭ šmatetapnaj pracy, jakaja pravodzicca CVK Biełarusi pa infarmavańni hramadzian ab majučych adbycca vybarach deputataŭ u adziny dzień hałasavańnia», — raspavioŭ na pasiadžeńni CVK Biełarusi namieśnik načalnika arhanizacyjnaha adździeła aparata CVK Siarhiej Šmarłoŭski.
«Asnoŭny vizualny pasył — vyjava dziaržaŭnaha ściaha Respubliki Biełaruś i napisańnie čyrvonym i zialonym kolerami tekstu «adziny dzień hałasavańnia», što, pavodle CVK, «simvalizuje ahulnarespublikanski charaktar mierapryjemstva, niezaležnaść i svabodu vybaru pry pryniaćci rašeńnia ŭ dzień hałasavańnia».
Svabodu vybaru pradstavili tak: «ptušačka» — heta «znak zhody, ️ čaściej za ŭsio prastaŭlajecca vybarščykami ŭ biuleteniach dla hałasavańnia, zjaŭlajecca adnym z elemientaŭ hieraldyčnych simvałaŭ Centralnaj vybarčaj kamisii».
Dynamičny ž nachił šryftu, pavodle raspracoŭščykaŭ, pakazvaje «nakiravanaść u budučyniu, pastupalnaje raźvićcio krainy, stvareńnie ŭ imia budučych pakaleńniaŭ praz uśviadomleny vybar kožnaha hramadzianina».
Aproč sprečnych dyzajnierskich vynachodnictvaŭ, biełarusy znajšli tut adno biassprečnaje — prydumany ściah Biełarusi. Takoha ściaha nie isnuje, źviarnuła ŭvahu Viktoryja Palčys.
Viertykalnaja arnamientnaja pałasa pavinna być čyrvonaha koleru na biełym fonie.
Tak vyhladaje sučasny aficyjny ściah Biełarusi
Taki łahatyp možna acanić jak ździek ź dziaržaŭnych simvałaŭ.
U telehramie łahatyp chutka vypravili. A voś na aficyjnym sajcie pa-raniejšamu visić pamyłkovy varyjant.
