Čatyry rasijskija banki — Śbierbank, dziaržkarparacyja «Bank raźvićcia źniešnieekanamičnaj dziejnaści» (VEB), Hazprombank i Alfa-bank — vydali Ministerstvu finansaŭ Biełarusi sindykavany kredyt u pamiery 6 młrd. rasijskich rubloŭ na termin bolš za adzin hod.
Pra heta havorycca ŭ raspaŭsiudžanym 30 śniežnia sumiesnym pres-relizie čatyroch bankaŭ.
U dakumiencie adznačajecca, što Biełaruś «źjaŭlajecca važnym handlova- ekanamičnym i zamiežnapalityčnym partnioram Rasii». Vydzieleny krainie sindykavany kredyt «budzie nakiravany na raźvićcio intehracyjnych i kaapieracyjnych suviaziaŭ pamiž dźviuma krainami, spryjać ustojlivamu rostu ekanomiki Respubliki Biełaruś».
Čatyry rasijskija banki pryznačany arhanizatarami raźmiaščeńnia na rasijskim fondavym rynku dziaržaŭnych ablihacyj Biełarusi, naminavanych u valucie RF. Ahulny abjom raźmiaščeńnia ablihacyj składzie 15 młrd. rasijskich rubloŭ.
Pra mahčymaść vydzialeńnia sindykavanaha kredytu zajaviŭ padčas vizitu ŭ Biełaruś u pačatku śniežnia kiraŭnik Śbierbanka Hierman Href.