Darahija ziemlaki, frontaŭcy, pavažanyja biełarusy.
Vinšuju Vas z nadychodziačym Novym hodam! Nastaje 2010‑ty. Užo minuła dzieviać hadoŭ XXI stahodździa, adbyłosia ŭ śviecie šmat pieramienaŭ da lepšaha. Tolki ŭ lepšaj dla nas krainie niby spyniłasia płyń času. Hod za hodam — adzin tvar, hod za hodam — adno i toje, hod za hodam na Novy hod my zyčym adzin adnamu ščaścia, svabody i lepšaje doli, ale jany spaźniajucca, bo kožny na śviecie choča ich mieć u domie nia hościem, i treba za ich zmahacca.
U Novym hodzie padrychtujma naš dom da ichniaha prychodu. Niachaj stanie jon čystym i śvietłym, i śviežy viecier chaj vieje za jaho vaknom.
Šanujma jaho ŭ sercy svaim, bo ščaście jość tolki na Baćkaŭščynie. Bieražem jaho, bo svaboda dla nas moža być tolki ŭ našaj krainie. Lubiem jaho, bo niama doli bieź Biełarusi.
Ščyra ź luboviaj,