Maryna Vaśko źleva. Fota: sacyjalnyja sietki
Maryna Vaśko źbirałasia pieraabiracca pa Bresckaj centralnaj vybarčaj akruzie №2, ale siarod zarehistravanych kandydataŭ u deputaty jaje nie akazałasia.
Udałosia vyśvietlić, što Vaśko nasamreč napisała zajavu ab źniaćci svajoj kandydatury.
Deputatka vučycca ŭ mahistratury i źbirajecca źviazvać svoj los z navukaju. Ciapier jana piša kandydackuju dysiertacyju.
«Uzvažyła «za» i «suprać» i vyrašyła, što navucy jana budzie bolš karysnaj», — raskazali pra Vaśko surazmoŭcy.
48-hadovaja Maryna Vaśko — vypusknica Bresckaha ŭniversiteta imia Puškina. Da svajho deputactva pracavała zavučam u bresckaj himnazii №2. Była tam nastaŭnicaj biełaruskaj movy i litaratury.
U 2021 hodzie Vaśko zajaviła, što na ŭzroŭni dziaržavy pavinien być stvorany infarmacyjny ščyt, jaki b supraćstajaŭ kibierpahrozam. Da ich jana dałučała Twitter, Facebook, YouTube, jeŭrapiejskija navinavyja sajty i inšyja niebiaśpiečnyja z hledzišča zabaronienaj infarmacyi resursy.
Jak paratunak deputatka prapanoŭvała adaptavać kitajski dośvied filtracyi źmieściva internetu. Taki padychod, na jaje dumku, umacavaŭ by svabodu i niezaležnaść dziaržavy.
Admietna, što ŭ samoj Vaśko jość staronka ŭ fejsbuku, dzie jana dzielicca pośpiechami deputackaj dziejnaści.
Paśla taho, jak Maryna Vaśko vybyła z honki za deputackaje kresła, favarytam jaje akruhi možna ličyć Volhu Ściapuś, dyrektarku Bresckaha abłasnoha centra alimpijskaha reziervu pa vodnych vidach sportu.
Jaje ŭžo abkatvajuć jak miedyjnuju asobu łukašenkaŭskija ŚMI. U Ściapuś dvoje partyjnych kankurentaŭ.
***
Pałata pradstaŭnikoŭ źjaviłasia ŭ 1996 hodzie. Tady ŭ jaje skład uvajšli deputaty Viarchoŭnaha Savietu 13 sklikańnia, jakija nie navažylisia padpisvać impičmient Łukašenku, ci staralisia być u baku ad palityčnych batalij taho času.
Pałatu pradstaŭnikoŭ łukašenkaŭcy namahajucca padavać jak paŭnavartasny parłamient. U im navat byli apazicyjnyja deputaty.
Nasamreč heta dekaratyŭny orhan, jaki pavinien stvaryć iluziju padziełu ŭłady ŭ Biełarusi i najaŭnaści demakratyčnych pracedur. Jaho ŭpłyŭ na palityčnaje žyćcio krainy minimalny. Deputaty tudy adbirajucca praź filtracyju administracyi Łukašenki.
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Hladzicie taksama:
110 deputataŭ, jakija trapiać u parłamient-2024, — praviercie śpis paśla vybaraŭ
Namieśnika Karpienki zvolnili pierad samymi vybarami. Pryčyna niezvyčajnaja
Rabotnik Śledčaha kamiteta pajšoŭ u deputaty nie ad praŭładnaha śpisa. I navat nie dajšoŭ da vybaraŭ
