Siońnia ŭ Varšavie adbyvajecca najbolšaja ŭ krainach Uschodniaj Jeŭropy dabračynnaja akcyja — Vialiki Arkiestr Śviatočnaj Dapamohi.
Biełarusam užo nie redkaść pračytać u hazietnych rubrykach, kštałtu, ''Dobraje serca'', ab tym, što niejkaje dzicia patrabuje nieadkładnaha jakasnaha miedycynskaha ŭmiašalnictva, tut ža budzie padadzienaja nieabchodnaja suma i numar rachunku, kudy možna pieraličyć hrošy. Pieravažna havorka idzie pra toje, što apieracyja, abo inšyja miedycynskija zachady buduć zroblenyja ŭ Hiermanii, Italii, časam navat Rasii. A miž inšym, našyja daktary ničym nie horšyja za svaich zachodnich kalehaŭ. Čaściej za ŭsio ŭ składanych vypadkach u Biełarusi miedycyna nie dapamoža praz adsutnaść abstalavańnia, jakasnaj miedycynskaj techniki. Minsk jašče
Vialiki Arkiestr Śviatočnaj Dapamohi niasie inšy ŭzor hramadskaj dabračynnaści. Fond, zasnavany papularnym radyjoviadučym Ježym Ovsiakam u 1993 hodzie, źbiraje hrošy mienavita kab dapamahčy dziciačym balnicam krainy, kuplajučy dla ich patrebnaje, ale darahoje abstalavańnie, jakoje nie pa kišeni było b łakalnym uładam. Karyść ad takoj akcyi niesuvymierna bolšaja ad ''adrasnaj dapamohi'' praz hazietu abo telebačańnie, bo dazvalaje i inšym, tym, chto nie trapiŭ na staronki takoj rubryki, vylečycca, i da taho ž u svajoj ułasnaj krainie.
Finał Arkiestru, što prachodzić štohod u druhuju niadzielu studzienia, — heta vialikaja i malaŭničaja impreza. Kožny, chto napatkaje vałancioraŭ ź śpiecyjalna apiačatanymi skrynačkami, moža vykazać svaju salidarnaść i achviaravać dla fondu niachaj i nievialikuju sumu.
Za heta atrymlivaješ śpiecyjalnuju nalepku u formie serca z łahatypam śviata. Redka možna spatkać u taki dzień palaka, jaki nie maje niedzie ŭ siabie na palito abo na torbie takoj nalepki. Uviečary va ŭsich haradach Polščy, a navat za jaje miežami, prachodziać ułasna ''Arkiestry'' — dabračynnyja kancerty viadomych vykanaŭcaŭ, što tranślujucca telebačańniem. Dachod z hetych kancertaŭ całkam idzie ŭ Fond dapamohi. Za minuły hod akcyja sabrała 14 miljonaŭ dalaraŭ, a za ŭvieś čas dziejnaści — kala 110 miljonaŭ. Ich pryznačyli na pakupku abstalavańnia dła bolš za 700 dziciačych klinik kraju. Nie va ŭlik iduć vyratavanyja žyćci.
Niešta padobnaje karysna było b zrabić i ŭ Biełarusi, nie tolki dziela raźvićcia miedycyny, a prosta, dla ŭmacavańnia našaj hramadzianskaj jednaści.
