Pavodle najaŭnaj infarmacyi, 7 krasavika na vajskova-marskoj bazie «Bałtyjsk» u Kalininhradskaj vobłaści zahareŭsia mały rakietny karabiel «Sierpuchaŭ» prajekta 21631 «Bujan-M». Hetaje sudna — piaty karabiel sieryi. Karabiel nibyta vyviedzieny z ładu.
«Z-za pažaru ŭnutry rakietnaha karabla całkam źniščanyja jaho srodki suviazi i aŭtamatyzacyi. Adnaŭleńnie bajazdolnaści «Sierpuchova» zapatrabuje doŭhaha času», — havorycca ŭ paviedamleńni HUR.
Pa słovach krynicy vydańnia «Suśpilnie», uzharańnie na rakietanośbicie — vynik śpiecyjalnaj apieracyi HUR.
Karabiel «Sierpuchaŭ» da kanca 2016 hoda byŭ u składzie Čarnamorskaha fłotu, zatym pieraviedzieny ŭ Bałtyjski. Jon abstalavany ŭstanoŭkaj viertykalnaha pusku (UVP) 3S14 na 8 kryłatych rakiet «Oniks», u pierśpiektyvie 3M22 «Cyrkon», a taksama «Kalibr», što dazvalaje nanosić udary hetymi rakietami pa naziemnych celach na adlehłaść da 1500 km (ź niajadziernaj bajavoj častkaj), pa inšych danych, da 2000 km.
Čytajcie taksama:
USU ŭdaryli rakietaj «Nieptun» pa karabli «Kanstancin Alšanski» ŭ Krymie
Apublikavanyja spadarožnikavyja zdymki ź miesca ŭdaru pa vuźle suviazi Čarnamorskaha fłotu
Rasijski traŭler «Kapitan Łabanaŭ» u Bałtyjskim mory padbiła rasijskaja rakieta
