U Pinsku padčas revizii ŭ adździaleńni adnaho z bankaŭ vyjaŭleny i kanfiskavany falšyvyja hrašovyja kupiury: 77 — naminałam 50 tysiač rubloŭ, adna — 5 tysiač, šeść — 500 rubloŭ Centrabanka Rasii, 20 — 50 jeŭra, piać — 100 jeŭra, siem — 500 jeŭra i 179 — 50 dalaraŭ ZŠA.
Jak paviedamili ŭ MUS Biełarusi, papiarednie ŭstanoŭlena, što falšyvyja kupiury z metaj utojvańnia kradziažu padkinuła śpiecyjalist pa apieracyjna‑kasavaj pracy adździaleńnia banka 37‑hadovaja žycharka vioski Halova. Jana zatrymana.
Pry asabistym nadhladzie i padčas vobysku doma ŭ zatrymanaj byli kanfiskavany falšyvyja kupiury: vosiem — naminałam 50 tysiač rubloŭ, siem — 50 jeŭra, čatyry — 100 jeŭra, 14 — 50 dalaraŭ ZŠA i piać — 100 dalaraŭ ZŠA, list papiery z nadrukavanymi hrašovymi kupiurami naminałam 50 jeŭra, dva listy — 50 dalaraŭ ZŠA i dva ćviordyja dyski kampjutera.
Raspačata sprava na padstavie č. 1 art. 221 Kryminalnaha kodeksa (vyrab, zachoŭvańnie abo zbyt padroblenych hrošaj ci kaštoŭnych papier).
0
0
0
0
0
0
