Handlovuju kampaniju «Junifud», jakaja vałodaje bujnoj sietkaj «Ałmi» i vałodała kramami Spar, aštrafavali za pavyšeńnie cenaŭ.
Spravu razhladaŭ Ekanamičny sud Minska. Sudździ pryjšli da vysnovy, što ŭ pieryjad z 30 červienia 2021 hoda pa 30 lipienia 2021 hoda «Junifud» parušyŭ zakon ab cenaŭtvareńni i ŭkaz ab farmiravańni cen na tavary miedycynskaha pryznačeńnia, ustalavaŭšy zanadta vysokuju nadbaŭku na miedycynskija maski. Zakonam dazvalajecca nadbaŭka nie vyšej za 30%, «Junifud» pradavaŭ maski daražej.
Sud vyrašyŭ, što kampanija atrymała niezakonny prybytak u pamiery 6 819,36 rubla. U vyniku «Junifud» aštrafavali na 13 638,72 rubla. Słužbovuju asobu, jakaja adkazvała za vyznačeńnie nadbaŭki, aštrafavali na 80 rubloŭ.
Kampanija nie abskardziła prysud, jon ustupiŭ u zakonnuju siłu.