Fota: Pinski vieśnik
Pinskija kamunisty patrabujuć ad miascovych uładaŭ padśviatlić pomnik Leninu, jaki znachodzicca na adnajmiennaj płoščy.
22 krasavika miascovyja levyja adznačali čarhovy dzień naradžeńnia lidara balšavikoŭ. Vystupajučy pierad prysutnymi, pieršy sakratar miascovaha harkama kampartyi Alaksandr Kanieŭski panarakaŭ, što pomnik Leninu, pastaŭleny na płoščy ŭ 1970 hodzie, nie padśviatlajecca, piša miascovaje vydańnie «Pinski vieśnik».
«Pytańnie, jakoje patrabuje rašeńnia, užo ŭzdymaŭ saviet vieteranaŭ. Heta poŭnaja adsutnaść padśviatleńnia pomnika Leninu, kala jakoha my ciapier znachodzimsia. U śviatočnyja dni ŭsia płošča źziaje ahniami. Kalehium jezuitaŭ, jaki staić pobač, navat u budni ŭviečary jarka aśvietleny. A pomnik Leninu — u poŭnaj ciemry!» — zajaviŭ Kanieŭski.
Pomnik Leninu ŭ Pinsku ŭklučany ŭ respublikanski śpis historyka-kulturnych kaštoŭnaściaŭ. Hetak ža sama, jak i kalehium jezuitaŭ — pomnik architektury XVII stahodździa.
Čytajcie taksama:
Na homielskim zavodzie biaspłatna harbacicca na subotniku zaklikali Lenin i Stalin
Biełaruskija marksisty stvaryli trynaccać rehijanalnych jačejek
A voś heta sapraŭdy niezrazumieła. Bo Lenin - heta kryvavy manjak, jaki sa svaimi paplečnikami-miaśnikami kšatłtu Trockaha, Śvierdłava i Dziaržynskaha prosta zabivaŭ usich niazhodnych albo niazručnych, ŭ pomniku jakomu niama ničoha admietnaha i kaštoŭnaha i jaki nia maje anijakaha datyčeńnia da Pinsku