Budynak KDB u Minsku. Fota: Naša Niva
Vystupajučy na Usiebiełaruskim narodnym schodzie, kiraŭnik KDB Ivan Cierciel skazaŭ, što KDB pry ŭzajemadziejańni z kalehami ź inšych siłavych struktur byŭ pravieŭ «šerah vostrych mierapryjemstvaŭ», jaki dazvoliŭ praduchilić naniasieńnie ŭdaraŭ bajavymi dronami. Udary pavinny byli nanosicca z terytoryi Litvy pa abjektach u Minsku i ŭ jaho pryharadach.
Pradstaŭnik departamienta stratehičnych kamunikacyj Uzbrojenych sił Litvy major Hintaŭtas Čunis u kamientary LRT abvierhnuŭ hetyja paviedamleńni.
«Ja mahu na 100 adsotkaŭ śćviardžać, što heta dezynfarmacyja. Heta tryźnieńnie, što Litva naniasie ŭdar ź bieśpiłotnika pa Biełarusi, inšaha słova ja nie mahu padabrać», — skazaŭ jon LRT.lt.
Jon adznačyŭ, što takija zajavy z boku Biełarusi «vyklikajuć u mianie tolki ŭśmiešku».
Pradstaŭnik kamandujučaha ŭzbrojenymi siłami Litvy Žyvile Dydžhalvienie taksama źniapraŭdziła infarmacyju.
«Varožaja infarmacyjnaja dziejnaść charaktaryzujecca raspaŭsiudžvańniem dezynfarmacyi i łžyvych abvinavačvańniaŭ. Uzbrojenyja siły Litvy nie rabili i nie robiać nijakich varožych dziejańniaŭ suprać inšych krain», — zajaviła Ž. Dydžhalvienie.
Čytajcie taksama:
Cierciel zajaviŭ, što KDB praduchiliŭ udary litoŭskich bieśpiłotnikaŭ pa Minsku
Łukašenka pryhraziŭ palityčnym emihrantam pieraśledam ich rodnych u Biełarusi
Jakim pamieram šryftu drukujuć Łukašenku dakład, kab jon bačyŭ litary FOTAFAKT
