Incydent adbyŭsia ŭ pačatku hoda. Kantralorka zajšła ŭ aŭtobus, kab pravieryć u pasažyraŭ prajaznyja dakumienty. Paśla pravierki žančyna pačała vychodzić z aŭtobusa, ale hetaha nie zaŭvažyŭ kiroŭca.
Jon začyniŭ dźviery, u vyniku čaho ŭ žančyny ŭ dźviarach zacisnuła ruku. Aŭtobus adrazu ž pačaŭ ruch. Kantralorka ŭpała, a zatym trapiła pad koły hetaha ž aŭtobusa. Z traŭmami roznaj stupieni ciažkaści žančynu špitalizavali, piša «SB».
Śledstva vyznačyła, što vinavatym u situacyi staŭ kiroŭca, jaki hruba parušyŭ PDR — jon nie pahladzieŭ u lusterka zadniaha vidu i nie pierakanaŭsia ŭ biaśpiecy ruchu, pierš čym adjechać ad prypynku.
Kiroŭca pryznaŭ vinu i atrymaŭ dva hady «chatniaj chimii» za parušeńnie pravił darožnaha ruchu i ekspłuatacyi transpartnych srodkaŭ, jakija paciahnuli pa nieaściarožnaści pryčynieńnie ciažkaha cialesnaha paškodžańnia. Akramia taho, jaho pazbavili pravoŭ kiroŭcy na try hady.
Taksama «Homielabłaŭtatrans» pavinien budzie vypłacić kantralorcy 18 tysiač rubloŭ kampiensacyi.
Čytajcie taksama:
U Pieciarburhu aŭtobus z 20 pasažyrami zvaliŭsia ŭ vadu. Jość zahinułyja
Aŭtobus, jaki pieravoziŭ dziaciej, całkam zhareŭ na trasie ŭ Dziaržynskim rajonie
