Urad Tajłanda źviarnułasia z prośbaj da Hienieralnaj prakuratury krainy zakryć spravu ekipaža samalota Ił-76, aryštavanaha ŭ Banhkoku, i vyzvalić lotčykaŭ.
Ab hetym zajaviŭ kiraŭnik MZS karaleŭstva Kasit Pirom, znachodziačysia ź vizitam u Ženievie. Pavodle jaho słovaŭ, «kabiniet ministraŭ nakiravaŭ prapanovu ŭ Hienieralnuju prakuraturu ab vyzvaleńni čatyroch hramadzian Kazachstana i adnaho hramadzianina Biełarusi». Jon taksama adznačyŭ, što kabiniet ministraŭ nie moža prymusić prakuraturu pryniać jakoje-niebudź rašeńnie, adnak jaje paprasili ŭvažliva pastavicca da hetaj spravy, pakolki jana «davoli składanaje» i «moža zakranuć nacyjanalnuju biaśpieku i adnosiny pamiž krainami».
Jak paviedamlałasia raniej, 10 studzienia piłotam Michaiłu Pietuchova, Alaksandru Zrybnievu, Viktaru Abdułłajevu, Vitalu Šumkovu i Iljasu Isakovu byli pradjaŭlenyja abvinavačvańni ŭ nielehalnaj pieravozcy zbroi, jaje niezakonnym uvozie ŭ Tajłand.
18 studzienia ź piłotaŭ byli źniatyja abvinavačvańni ŭ zachoŭvańni vybuchovych rečyvaŭ, za jakija im pahražała śmiarotnaje pakarańnie. 29 studzienia prakuratura Tajłanda na dva tydni adkłała rašeńnie ab losie ekipaža samalota Ił-76.
