Nieviadomyja ŭ cyvilnym.
U kvatery znachodziłasia niekalki žurnalistaŭ.
Michaś Jančuk, jaki aficyjna zdymaje hetuju kvateru.
Dzieści a 15 hadzinie ŭ ofis nieakredytavanaha ŭ Biełarusi telekanała «Biełsat», što na vulicy Daraševiča, pačali hrukacca nieviadomyja ŭ cyvilnym.
Apieratar telekanału Ivan, jaki pierad hetym vyjšaŭ u kramu, u ofis tak i nie viarnuŭsia. Telefonnaja suviaź ź im taksama prapała. Potym vyśvietliłasia, što chłopca advieźli ŭ Saviecki RUUS na ałkaholnuju ekśpiertyzu.
U kvatery znachodziłasia niekalki žurnalistaŭ. Ale admykać dźviery jany kateharyčna admovilisia. Elektryčnaść u kvatery nie było.
Praź niejki čas da ofisu pačali pryjazdžać žurnalisty ź inšych vydańniaŭ.
Potym pryjechaŭ Michaś Jančuk, jaki aficyjna zdymaje hetuju kvateru. Darečy, vyśvietliłasia, što kvatera naležyć palityku Alesiu Michaleviču.
Troje ŭ cyvilnym praciahvała dziažuryć u padjeździe. Kali Jančuk pasprabavaŭ ź imi zahavaryć, što jany chočuć, to jany prosta maŭčali. A adzin vyjšaŭ na vulicu.
Potym Jančuku ŭsio ž atrymałasia razhavaryć adnaho z maŭčunoŭ. Jon pradstaviŭsia staršym lejtenantam Karalkovym z Savieckaha RUUS.
Jon skazaŭ, što ad susiedziaŭ pastupili skarhi, što tut adbyvajucca pjanki i hulanki, što niadaŭna z kvatery vyjšaŭ niejki pjantos, susiedzi pasłali sihnał — i milicyja pryjechała raźbiracca. Jančuku prapanoŭvali prajechać ź imi ŭ pastarunak, ale jon admoviŭsia.
Urešcie, siłavoha ŭvarvańnia ŭ kvateru nie adbyłosia. Milicyjanty jašče trošku padziažuryŭšy syšli.
Jančuk ličyć, što siońniašnija padziei možna vytłumačyć dźviuma pryčynami.
Cisk na «Biełsat» źviazany ź niadaŭnimi źmienami ŭ śpiecsłužbach, abo heta cisk na haspadara kvatery Alesia Michaleviča, jaki na minułym tydni abviaściŭ pra svoj udzieł u prezidenckich vybarach.
* * *
Dyrektarka telekanała Ahnieška Ramašeŭskaja-Huzy: heta sproba pieraškodzić i dyskredytavać.
«My ličym što siońniašnija dziejańni biełaruskich uładaŭ u dačynieńni telekanału «Biełsat» — heta čarhovaja sproba pieraškodzić pracy i dyskredytavać niezaležnych žurnalistaŭ, adznačyła Ahnieška
Varta adznačyć taksama, što apošnimi tydniami ŭzmacniŭsia cisk z boku śpiecsłužbaŭ na žurnalistaŭ telekanału.
Zapeŭnivajem našych hledačoŭ, što cisk z boku ŭładaŭ nie paŭpłyvaje na našuju žurnalisckuju pazicyju. My i nadalej budziem nieści praŭdzivuju infarmacyju žycharam Biełarusi.
Vykazvajem padziaku kaleham ź inšych srodkaŭ masavaj infarmacyi za prafiesijnuju salidarnaść».