što Abama nie vozić svaich haściej u biblijateku Kanhresa, a Miadźviedzieŭ — u Rumiancaŭski muziej.
26 studzienia padaŭsia ŭ Nacyjanalnuju biblijateku, kab papracavać z daviedačnymi vydańniami. Na podstupach — chłopcy ŭ čornym.
Hałoŭny ŭvachod u biblijateku začynieny. Za trecimi dźviaryma «rama» i dva stoliki abapał. Šmon. Pakazvaj, što ŭ sumcy, dastavaj usio mietalovaje, što ŭ kišeniach.
U viestybiuli poŭna vajskoŭcaŭ (rota hanarovaj varty) i hrupa maładych turmienaŭ. Nivodnaj dziaŭčyny, adny chłopcy! Źbilisia, nie raŭnujučy, jak jahniaty, u kupku. Usie ŭ adnolkavych kaściumach, u adnolkavych ciubieciejkach, sa ściažkami ŭ rukach. Buduć vitać svajho bašy. I našaha «baćku». Ichniaja ekipiroŭka zmusiła mianie zhadać Paŭnočnuju Kareju: i tam na zdymkach roznych uračystych pasiadžeńniaŭ na ludziach adnolkavyja kaściumy.
Pad pilnym kantrolem prabirajusia ŭ zału daviedačnaj litaratury. Pačynaju pracavać. Praz kolki chvalin zachodzić «łob» i paviedamlaje, što nikomu da asobaha rasparadžeńnia nielha vychodzić z zały. Navat pa naturalnaj patrebie, jak ja zrazumieŭ.
Prasiedzieŭšy hadziny dźvie, vyrvaŭsia ŭ bufiet. Nie paśpieŭ dapić harbatu, jak u bufiet uvachodzić inšy «łob» i kaža: abo vychodźcie zaraz,
abo siadzicie i stojcie ŭ čarzie, pakul vam nie dazvolać vyjści.
Čarha źnikaje. Dažoŭvajučy buterbrod, sprabuju viarnucca ŭ zału daviedačnaj litaratury. Ažno nie! Možna iści tolki ŭ advarotny bok.
…Chto b heta rastłumačyŭ Łukašenku na palcach, što Abama nie vozić svaich haściej u biblijateku Kanhresa, a Miadźviedzieŭ — u Rumiancaŭski muziej. Što dla pryjomu ŭsiakich načalnikaŭ i pravadyroŭ majucca rezidencyi ŭ Vajskovym zavułku, u Zasłaŭi (tam Brežnieŭ prymaŭ Pampidu), u Viskulach narešcie?
Mo ministr Pavieł Łatuška aśmielicca skazać svajmu šefu, što ŭ biblijateki inšaje funkcyjanalnaje pryznačeńnie?