U Minsku stała mieniej na adzin dom XIX st. Uviečary 6 lutaha byŭ źniesieny budynak pa vulicy Revalucyjnaja, 24‑a. Ekskavatar patraciŭ na źniščeńnie budynka try hadziny. Ciapier bolš ničoha nie zaminaje budaŭnictvu novaha handlovaha centra z parkinham.
Zhodna z rašeńniem Navukova‑mietadyčnaj Rady pry Ministerstvie kultury razbor budynka pavinien byŭ vieścisia ručnym sposabam, što i rabiłasia da hetaha. Paralelna z razborkaj vialisia daśledčyja pracy, kab potym adnavić budynak u pieršasnym vyhladzie.
Pieršaja sproba źniščyć hety budynak adbyłasia 30 listapada. Ale ŭ toj dzień ekskavatar byŭ spynieny Ministerstvam kultury, paśla taho jak źnios 1/6 častku budynka. Byli padrychtavała materyjały, dla prakurorskaj pravierki pa fakcie narušeńniaŭ zakanadaŭstva. Tavarystva achovy pomnikaŭ źviarnułasia ŭ prakuraturu Centralnaha rajona h. Minska z prośbaj pryciahnuć da kryminalnaj adkaznaści pa č.2 art. 344 Kryminalnaha kodeksu hałoŭnaha inžyniera «Minskaj spadčyny» Michała Žycha i pa art. 428 dyrektara pradpryjemstva Paŭła Šykunca.
Dom pa vuł. Revalucyjnaja, 24‑a byŝ pabudavany ź siaredzinie XIX st.Naležyŭ Fohielam, Załkindam i byŭ flihielem doma №24, tut byli haspadarčyja i žyłyja pamiaškańni. Za svaju historyju jon šmat pierabudoŭvaŭsia i straciŭ pieršapačatkovy vyhlad. Papiarednija daśledavańni pakazali mahčymy pieršasny vyhlad, jaki nie supadaŭ z prajektami pierabudovy. Z histaryčnych artefaktaŭ byli znojdzieny naściennyja rośpisy kanca XIX pač.‑ XX stst., jakija nie byli daśledavany i byli stračany padčas znosu.
