Ale vinavacić u hetym varta nie biełaruskich pradprymalnikaŭ, a hałandskich pastaŭščykoŭ.
Jak tłumačać śpiecyjalisty, u hety pieryjad — napiaredadni Dnia ŭsich zakachanych i 8 Sakavika — jany štučna pavialičvajuć adpusknyja ceny na ružy i vazony, bo inakš by nie dali b rady popytu. U Biełarusi nie padaražajuć tolki hvaździki.
— Sapraŭdy, napiaredadni 14 lutaha ŭ Hałandyi pavyšajecca prajs na čyrvonuju ružu, na kvitniejučyja vazony. I nie tamu, što jany niejkija asablivyja,
a kali hetaha nie rabić, to tamtejšyja pastaŭščyki nie spravilisia b u hety pieryjad z popytam,— prakamientavaŭ situacyju Uładzisłaŭ, mieniedžer adnoj z najbujniejšych mienskich hurtovych kvietkavych kampanij. — Adpaviedna, biełaruskim roźničnym pradaŭcam ŭ vyniku taksama davodzicca pavyšać ceny na tavar, inakš jany nie pakryvali b vydatki. Choć niekatoryja pradprymalniki ŭ hety pieryjad nacenku ŭsio‑tki pamianšajuć, kab zachavać prymalnyja ceny dla pakupnikoŭ.
Kali ŭ pieryjad da śviataŭ hałandskaja ruža, 70 santymietraŭ udoŭžki, kaštavała 10—12 tysiač rubloŭ,
to ŭ pieryjad 14 lutaha — 8 sakavika jana budzie kaštavać 15—18 tysiač.
Hałandskaja chryzantema budzie pradavacca pa 9—10 tysiač (da hetaha — 7—8 tys.). Hałandskija ciulpany — pa 5—6 tysiač.
Šarahovym pakupnikam taksama prapanoŭvajucca ekvadorskija ružy ci biełaruskija ciulpany, pa cenach, jakija značna nižej, čym na pradukcyju z Hałandyi. Tym nie mienš, jak adznačajuć śpiecyjalisty, z hałandskimi hatunkami ich nie paraŭnać (tyčycca i formy butonaŭ, i koleru, i tryvałaści).
Nie padaražeje ŭ śviatočny pieryjad tolki hvaździk.
Asnoŭnyja pastaŭščyki hetych kvietak — heta Kałumbija i Turcyja. A jany trymajuć u praciahu hoda na svoj tavar adnu i tuju ž canu.
