U Minski harvykankam padadziena zajaŭka na praviadzieńnie 28 lutaha schodu inicyjatyŭnaj hrupy pa praviadzieńni ahulnanacyjanalnaha refierendumu.
Pavodle rašeńnia Partyi BNF płanujecca pravieści plebiscyt nakont pavyšeńnia myta na aŭtamabili ŭ ramkach Mytnaha sajuza.
Partyja BNF, a taksama inšyja subjekty Biełaruskaha niezaležnickaha błoku majuć namier zhurtavać u
inicyjatyŭnuju hrupu da tysiačy čałaviek, jakija buduć źbirać podpisy za praviadzieńnie takoha refierendumu.
«Na siońnia niama nivodnaha čałavieka, jaki b byŭ zacikaŭleny ŭ padvyšeńni myta na impartnyja aŭtamabili.
My možam sabrać bolš za miljon podpisaŭ», — zajaviŭ staršynia partyi BNF Alaksiej Janukievič.
Inicyjatary miarkujuć, što refierendum možna budzie pravieści ŭ traŭni — červieni hetaha hoda. Meta refierendumu — paŭpłyvać na biełaruskaje kiraŭnictva, kab jano nie pahadžałasia na padvyšanaje myta ŭ ramkach Mytnaha sajuza.
0
0
0
0
0
0