Sam aktyvist Sajuza palakaŭ zastajecca pad aryštam, a navinu ab naradžeńni syna pieršym paviedamiŭ ananim sa śpiecsłužbaŭ.
Ščaślivaja padzieja adbyłasia tydzień tamu, u piatnicu. Siońnia žonku A.Pačobuta Aksanu razam z synam vypisali z radzilni. Baćka Andreja Pačobuta i dzied navarodka, Stanisłaŭ, prasiŭ, kab Andreja vypuścili ź izalatara choć na hadzinu i dazvolili sustreć žonku. Adkazali: nie.
Cikava, što navinu ab naradžeńni syna A.Pačobutu pieršym prynios supracoŭnik śpiecsłužbaŭ. Nieviadomy prosta pazvaniŭ u Sajuz palakaŭ i paprasiŭ pieradać Andreju, što u jaho naradziŭsia syn, a taksama vykazaŭ nadzieju, što zaraz baćka budzie «lepš dumać, pierš čym niešta rabić». Spačatku telefanavańnie ŭspryniali jak drenny žart, ale praz 15 chvilin patelefanavała ŭžo i žonka Andreja — z radasnaj navinoj.
Chłopčyka nazvali Jarasłavam. Jon naradziŭsia vahoju 3750 h, rostam — 54 sm.
Jaho baćka vyjdzie na svabodu zaŭtra rankam. U paniadziełak A.Pačobut byŭ zatrymany pa darozie na sud u Vałožyn. Jaho abvinavacili ŭ arhanizacyi niesankcyjanavanaj akcyi.
Redakcyja «Našaj Nivy» dałučajecca da vinšavańniaŭ.
