Navukoŭcy Univiersiteta Bierkli dakazali, što dźvie hadziny snu dniom robiać čałavieka bolš razumnym.
Psichołahi na praciahu piaci hadoŭ daśledavali bolš za tysiaču pacyjentaŭ. Tyja, chto spaŭ udzień, pakazvali lepšyja dasiahnieńni ŭ vučobie i razumovaj pracy. Navukoŭcy tłumačać heta tym, što dzionny son bolš hłyboki, čym adpačynak nočču.
Kiraŭnik daśledavańniaŭ Mećju Uołkier kaža, što ŭviečary čałaviek tracić 2 hadziny na toje, kab sapraŭdy zasnuć, i tolki potym infarmacyja pačynaje zasvojvajecca. Dzionny son adrazu stanovicca hłybokim, i tamu infarmacyja, pračytanaja pierad hetym, adrazu pastupaje ŭ centr zapaminańnia ŭ mozhu.
Psichołah Viktar Niaboki z Kijeŭskaha centra zdarovaha snu ličyć, što dzionny son spryjaje razumovamu raźvićciu dziciaci.
«Lepš kab dzieci spali paśla taho, jak pryjduć sa škoły i da taho, jak pačnuć rabić chatniaje zadańnie. Tady dzicia lepš pamiataje, što vyvučyła i nie adčuvaje nahruzki na karotkačasovuju pamiać», - kaža psichołah.
Ale vučonyja ličać, što čas dzionnaha snu nie pavinien pieravyšać dźvie hadziny. Bo tady mozh zusim rassłabicca i budzie ciažka potym zasiarodzicca na razumovaj pracy.
