Adkrytuju ŭ hramadskim miescy butelku piva milicyja moža ŭsprymać jak pravaparušeńnie.
Pra heta paviedamili ŭ Centralnym RUUS Minska.
«U milicyju, u tym liku i na sajt HUUS, pastupiła niamała pytańniaŭ ab adkaznaści ŭ vypadku, kali, naprykład, butelka piva znachodzicca ŭ pakiecie. Ci majuć prava supracoŭniki milicyi zazirnuć u pakiet i pryniać jakija‑niebudź miery?» — adznačyli ŭ RUUS.
Adkaznaść nastupaje ŭ tym vypadku, kali, naprykład, maładyja ludzi, siedziačy na łavačcy ŭ parku, chavajuć u pakiecie butelku piva abo inšaha słabaałkaholnaha napitka, i heta butelka adkrytaja.
Supracoŭnik milicyi maje poŭnaje prava zazirnuć u pakiet i, ubačyŭšy tam adkrytuju butelku mocnaha napitku, pryniać adnosna parušalnika ŭstanoŭlenyja zakonam miery.
Jak paviedamlałasia, 23 lutaha ŭstupili ŭ siłu papraŭki ŭ KoAP Biełarusi. Adna z hetych papravak, jakija vyklikała šyroki hramadski rezanans, uniesła źmianieńni ŭ artykuł 17.3, u adpaviednaści ź jakim ciapier praduhledžana administracyjnaja adkaznaść za raśpićcio słabaałkaholnych napitkaŭ abo piva ŭ hramadskim miescy. Takim pryniata ličyć vulicu, stadyjon, skvier, park, hramadski transpart abo inšyja hramadskija miescy, za vyklučeńniem miesc, pryznačanych dla ŭžyvańnia ałkaholnych, słabaałkaholnych napitkaŭ abo piva. Maksimalny pamier štrafu za takoje pravaparušeńnie składaje 15 bazavych vieličyń (bolš za Br500 tys.).
