Na budoŭli pravasłaŭnaha chrama, jaki ŭzvodzicca ŭ Breście na vulicy Biełaruskaj, u vyniku padzieńnia ź placoŭki padjomnika zahinuŭ nastajaciel i atrymaŭ cialesnyja paškodžańni prychadžanin.
Jak paviedamiŭ śledčy prakuratury Leninskaha rajona Bresta Alaksiej Jarošyk, trahiedyja zdaryłasia ŭ druhoj pałovie dnia 24 lutaha ŭnutry carkvy. Viadoma, što 58-hadovy nastajaciel chrama i 42-hadovy prychadžanin stajali na pierasoŭnaj placoŭcy budaŭničaha stoječnaha padjomnika.
Pavodle papiarednich źviestak,
abarvaŭsia mietaličny tros placoŭki, jakaja razam ź ludźmi na joj upała z vyšyni.
Nastajaciel chrama zahinuŭ na miescy. Prychadžanin špitalavany ŭ reanimacyjnaje adździaleńnie Bresckaj haradskoj balnicy chutkaj miedycynskaj dapamohi.
Pravierku pa hetym fakcie pravodzić prakuratura Leninskaha rajona Bresta.
0
0
0
0
0
0