Mižnarodny alimpijski kamitet (MAK) rasśleduje incydent, u centry jakoha apynulisia kanadskija chakieistki.
Havorka idzie pra niespartyŭnyja pavodziny pradstaŭnic žanočaj zbornaj Kanady pa chakiei paśla pieramohi nad kamandaj ZŠA ŭ matčy za zołata 25 lutaha.
Vyjhraŭšy ź likam 2:0, «klanovyja» dziaŭčyny vyrašyli adśviatkavać hetuju spravu i paśla cyrymonii ŭznaharodžańnia naładzili śviatkavańnie prosta na lodzie.
Z załatymi miedalami na šyjach, bankami piva i plaškami šampanskaha ŭ rukach i cyharami ŭ zubach
pieramožcy žanočaha chakiejnaha turniru katalisia ŭzdoŭž trybun, vinšujučy adzin adnaho i zaŭziataraŭ, siarod jakich, jak paviedamlajecca, była i mužčynskaja zbornaja Kanady pa chakiei ŭ poŭnym składzie.
Na chvali radaści niekatoryja dziaŭčaty zaleźli na mašynu dla zalivańnia lodu dy hojsali na joj pa ladovaj placoŭcy.
Mižnarodny alimpijski kamitet vykazaŭ abureńnie niedapuščalnymi pavodzinami chakieistak, jakija [spartoŭki] pavinny słužyć prykładam dla inšch i pieradusim dla moładzi.
A tyja potym paprasili prabačeńnia, patłumyŭšy svoj učynak niekantralavanaj radaściu.
