Udzień 4 lipienia pradstaŭniki śpiecsłužbaŭ nie dazvalali žurnalistam zdymać miesca zdareńnia, photo.bymedia.net
Na pres‑kanfierencyi 2 sakavika z nahody Dnia biełaruskaj milicyi pieršy namieśnik ministra ŭnutranych spraŭ Aleh Piakarski zakranuŭ i pytańnie rasśledavańnia vybuchu ŭ Minsku 4 lipienia 2008 h. padčas śviatkavańnia Dnia niezaležnaści.
Aleh Piakarski zaznačyŭ, što za pieryjad, što prajšoŭ z času vybuchu, byli praviedzienyja 900 dopytaŭ, praviedziena 600 pieratrusaŭ, znojdziena 150 kh vybuchovych prystasovaŭ.
Piakarski padkreśliŭ, što ŭsie asoby na raspaŭsiudžanych milicyjaj fatahrafijach ustanoŭleny.
Milicyja nastojvaje na tym, što vybuch 4 lipienia ździejśnieny z chulihanskich matyvaŭ,
ale ni padazravanych, ni asobaŭ, datyčnych da vybuchu, niama.
Nahadajem, što 4 lipienia 2008 hodu (0:25) padčas śviatkavańnia Dnia niezaležnaści na kancercie la steły «Minsk — horad-hieroj» adbyŭsia vybuch. Vybuchnuła samarobnaja vybuchovaja pryłada, načynienaja mietaličnymi hajkami i ćvikami. U vyniku vybuchu paciarpieli 54 čałavieki.
