Prychilnikaŭ hurtu Rammstein, jaki 7 sakavika vystupić z kancertam u kompleksie «Minsk‑Arena», čakaje asabisty nadhlad, u tym liku pry dapamozie mietaładetektaraŭ.
ra heta havorycca ŭ paviedamleńni HUUS Minharvykankama.
Kab paźbiehnuć vialikaj kolkaści hledačoŭ kala ŭvachodaŭ u budynak areny, za hadzinu da pačatku kancerta pačnuć pracu 24 kantrolna‑prapusknyja punkty na ŭvachodach A, V i D. U metach bolš chutkaha prachodžańnia nadhladu staličnaja milicyja pierakanaŭča rekamienduje prybyvać da budynka areny zahadzia.
Tradycyjna ŭ budynak nielha budzie pranieści chałodnuju, ahniastrelnuju, hazavuju i inšuju zbroju, vybuchovyja rečyvy i bojeprypasy, ich imitatary i mulažy, piratechničnyja i dymavyja srodki, a taksama pradmiety, vykarystańnie jakich moža ŭjaŭlać pahrozu žyćciu i zdaroŭju ludziej abo pryčynić materyjalnuju škodu hramadzianam i spartyŭnym zbudavańniam.
U metach niedapuščeńnia parušeńniaŭ hramadskaha paradku ŭ budynak nie prapuściać hramadzian u stanie apjanieńnia ci z ałkaholnymi napojami pry sabie. Taksama ŭ budynak nielha pranosić hruvastkija rečy: ich nieabchodna zdać zahadzia ŭ kamiery zachoŭvańnia kala ŭvachodaŭ u spartyŭnaje zbudavańnie.
HUUS nahadvaje, što, pavodle patrabavańnia muzykantaŭ,
nielha budzie pravodzić niesankcyjanavanaje fota‑ i videazdymańnie. Tamu ŭ «Minsk‑Arenu» nielha budzie pranosić fotaaparaty i videakamiery,
pryčym hetaje abmiežavańnie raspaŭsiudžvajecca jak na prafiesijnuju, tak i na amatarskuju aparaturu.
Staličnaja milicyja zaklikaje hledačoŭ‑aŭtaŭładalnikaŭ admovicca ad vykarystańnia ŭłasnych aŭtamabilaŭ,
bo kolkaść miescaŭ dla parkoŭki kala kompleksu abmiežavana (praduhledžana 1.080 mašyna‑miescaŭ na parkinhu).
