Instytut teałohii imia śviatych Miafodzija i Kiryła BDU zaprašaje na vučobu chryścijanskuju moładź. Dzień adčynienych dźviarej adbudziecca 29 sakavika ŭ 14.00 u budynku ŭstanovy pa adrasie: (Minsk, pr. Niezaležnaści, 24, aŭdytoryja 307).
Na siońniašni dzień u instytucie pieravažajuć navučency pravasłaŭnaha vieravyznańnia, adnak častka studentaŭ źjaŭlajecca pradstaŭnikami Katalickaha Kaścioła. Navučańnie va ŭstanovie mohuć prachodzić i pradstaŭniki inšych kanfiesij.
Instytut viadzie padrychtoŭku pa śpiecyjalnaści «teałohija» z kvalifikacyjaj «teołah‑relihijaznaŭca, vykładčyk etyki, estetyki i kulturałohii». Va ŭstanovie dziejničaje mahistratura pa śpiecyjalnaści «relihijaznaŭstva, fiłasofskaja antrapałohija, fiłasofija kultury». Vypusknikam mahistratury nadajecca stupień mahistra fiłasofii.
Termin navučańnia ŭ instytucie: 5 hadoŭ pa śpiecyjalnaści «teałohija» i 1 hod — mahistratura.
Padrychtoŭka studentaŭ ździajśniajecca pa piaci błokach dyscyplin: chryścijanskaja teałohija, staražytnyja i sučasnyja movy, dyscypliny fiłasofska‑kulturałahičnaha cykła, dyscypliny psichołaha‑piedahahičnaha płana.
Uznačalvajuć kafiedry vysokakvalifikavanyja śpiecyjalisty — daktary i kandydaty bahasłoŭja.
Ustanova supracoŭničaje z teałahičnymi fakultetami zachodniejeŭrapiejskich univiersitetaŭ, pamiž jakimi na bazie damovaŭ ździajśniajecca abmien studentami i vykładčykami. Na dadzienym etapie viadziecca padrychtoŭka da padpisańnia damovy z teałahičnym fakultetam Krakaŭskaha univiersiteta.
Instytut štohod prymaje vysokich haściej ź Jeŭropy. Hanarovym doktaram instytuta źjaŭlajecca, u pryvatnaści, arcybiskup Lijonski kardynał Filip Barbaren.
Va ŭstanovie vialikaja ŭvaha nadajecca misijanierskaj pracy studentaŭ, majecca studencki teatr, studencki lalečny teatr, studencki chor.
Inšaharodnija studenty pražyvajuć u dobraŭparadkavanych internatach BDU, majuć mahčymaść adpačyvać u studenckim sanatoryi‑prafiłaktoryi BDU.
